रोजगार अनुमति प्रणाली (इपिएस) अन्तर्गतको नयाँ कोरियन भाषा परीक्षा आगामि असोजमा हुने भएको छ । पाँचौ इपीएस टपिक अन्तर्गतको नयाँ कोरियन भाषा परीक्षा आगामि असोज १० र ११ गते हुन लागेको हो । रोजगार अनुमति प्रणाली (ईपीएस) कोरिया शाखाका निर्देशक डिल्लीराम बास्तोलाले जनाए अनुसार उक्त परीक्षामा चौथो भाषा परीक्षामा कम अङ्क आई लेबर कन्ट्रयाक नआएका परीक्षार्थीले पनि भाषा परीक्षा दिन पाउने छन् । चौथो भाषा परीक्षामा उत्तिर्ण हुनेको आगामी पौष सम्म म्याद भए पनि उनीहरुको लागि विशेष छुट उपलब्ध गराइएको हो । असोजमा हुने परीक्षाको लागि आगामि साउनको २८ देखि ३१ गतेसम्म फर्म भर्ने मिति तोकिएको छ । करिब ६ हजार जनाको लागि कोटा छुट्याइए पनि औपचारिक जानकारी नआइ सकेको बताइएको छ । चौथो भाषा परीक्षामा ८ हजार ५१ जनाले भाषा परीक्षा पास गरेको भए पनि करिब ६ हजार जति मात्रै श्रम सम्झौताको लागि तयार रहेको बताइएको छ । जसमध्ये यतिन्जेलमा करिब ३ हजारको श्रम सम्झौता आइ सकेको छ । अन्यको पनि सम्झौता हुने क्रम जारी रहेको ईपीएस कोरिया शाखाले जनाएको छ ।
0 comments:
Post a Comment